ESKA EZAZU EUSKARAZ!

Getariako Udalak eta Urola Kostako Udal Elkarteak ESKA EZAZU EUSKARAZ! kanpaina jarri dugu martxan.Hau dela eta, ekaineko lehen astean Getariako zenbait denda eta komertzio bisitatuko dituzte bertan kanpaina aurrera eramateko materiala eskeiniz.
Kanpaina horren helburua da jendeak okindegi, arrandegi, harategi eta fruta-dendatan euskaraz eskatzea. Askotan, nahiz euskaraz aritu, ez dugu jakiten produktu jakin bat euskaraz nola esan edo idazten den.
Hori dela eta, kanpaina honen bidez honako hauek eskaintzen zaie parte hartuko duten dendariei:
-Dendako produktuen argazkiak eta euskarazko izena dituen kartela.
-Hiztegia,  arloko hitz erabilienekin.
-Aholkularitza eta itzulpenak egiteko aukera (eskaintzetako txartelak, ohar laburrak, faktura ereduak...): horretarako honako helbidera jo behar dutelarik. Urola Kostako Udal Elkartea, Euskara Zerbitzua, 943890808, euskara@urolakosta.org